CAPCOM係上週末推出既3DS《MONSTER HUNTER STORIES》，雖然有被指係兒童版「芒亨」，但是遊戲玩法跟過去既「芒亨」系列完全唔同，完全日式RPG玩法，再加入「芒亨」原有既要素，就變成《MHS》。

遊戲目的

玩家扮演主角，成為RIDER之後，為了解開黑色氣體既謎團，跟自己的「隨行魔物（オトモン）」踏出村莊冒險，玩家除左沿著故事既發展進行冒險外，亦可以挑戰一些副任務，甚至在可探索既範圍尋找其他「隨行魔物（オトモン）」，協助自己冒險。

「隨行魔物（オトモン）」

跟玩家一起戰鬥既就係「隨行魔物（オトモン）」，除左最初強制加入既速龍（ランボス）外，其他都要自己去魔物巢穴，把魔物蛋帶回村莊孵化才可以成為自己既「隨行魔物」。由於唔同既魔物有唔同既能力，好像速龍（ランボス）可以係有腳印的石版上進行大跳躍，所以為了可以去晒所有地方，就要尋找更多「隨行魔物」。

武器和防具要點提升

玩家可以去武器屋購買武器和防具，甚至可以利用收集既素材強化現有既武器和防具，而唔同既武器都會有唔同既SKILL（スキル），讓玩家可以在戰鬥時使用，不過使用SKILL通常都需要消耗「絆計」。

素材收集

在郊野和洞窟既四周都可以收集素材，情況就如以往既「芒亨」般，不過就唔駛使用網、鋤頭等道具，只需要行到素材處按A鍵就可以。非常簡單。

戰鬥系統

在郊野和洞窟跟魔物接觸就會進入戰鬥，如果接觸敵人既背後仲可以得到一回合既先制攻擊。基本攻擊分為「力量（パワー）」、「速度（スピード）」和「技術（テクニック）」3種，各自相沖相剋。要是跟「隨行魔物」使用同一種攻擊，同時敵人選擇的攻擊又是被剋的種類，就會發動組合攻擊，除左可給予對手大既傷害之外，仲可以增加「絆計」，當中央「絆計」儲滿，玩家就可騎上「隨行魔物」上，然後使出強力既「絆技」。

記得編輯「バトルポーチ（戰鬥用小袋）」

玩家千萬別忘記編輯「バトルポーチ（戰鬥用小袋）」。因為戰鬥中能使用既道具只限在「バトルポーチ（戰鬥用小袋）」內既道具，如果沒有編輯，就連草藥都無得用。

主菜單日中列表
アイテム（道具）—可以使用道具。
調合（調合）—可以合成各種唔同道具。
装備（裝備）—為角色裝備武器和防具
バトルポーチ（戰鬥用小袋）—編輯戰鬥時使用既道具，只限帶10種。
あらすじ—現在故事進度
サブクエスト（副任務）—確認副任務
ステータス（能力）—確認角色和隨行魔物既能力
モンスター図鑑（魔物圖鑑）—魔物圖鑑
ライダーカード（RIDER CARD）—確認和編輯RIDER CARD
オプション（OPTION）—更換各種設定
ライターノート（RIDER NOTE）—確認遊戲各種系統
ゲームを終了する（結束遊戲）—結束遊戲