相信有唔少人為呢部機衝左偷跑，不過偷跑既Switch主機都係日本版，即唔係行貨，就算你買行貨，主機既系統介面都唔會有中文，所以都係有幾點基本知識你要知既。

買水貨既玩家一定要注意

有唔少人衝左水貨，但請注意你部機既火牛係咪110-240v，小編聽聞有game shop特登抽起個原裝火牛，然後同你講部機係110v，香港用唔到，要買佢地特登同你配既火牛(事實上係佢抽起左，唔比多1舊就比個代用仲要係110v既牛你)，當你接受後，比多1舊，就比番個原裝火牛你，如果貪平，好大機會佢係抽你左你個原裝火牛，注意原裝火牛係刻有Nintendo字樣，不過係兩腳，而不是三腳（因為係日本版），所以自己執生。

開機後set戶口

Set戶口方面好簡單，入左名，選埋地區就可以，不過如果係日版或美版，都應該見唔到有得SET地區係香港，至於使用語言方面亦可以隨自己喜好，同樣無論係行機或水機，語言只有日文、英文或其他歐洲語言，係無中文既。

插GAME正確方法

Switch有兩種方法開GAME，一就係經Nintendo e-shop下載，另一就係買實體GAME，如果你係買實體GAME，就要記得卡面（即有PICT果面）向自己先好插入去，唔好強行插入。

Nintendo e-shop

大家都好緊張佢既Nintendo e-shop係跟乜野地區，不過入去Nintendo e-shop就會被要求更新，而因為今日係3月2日（正常主機推出日係3月3日），所以你係更新唔到，亦入唔到Nintendo e-shop。你都係等等。

主機介面ICON

新聞：入去會見到官方既相關遊戲新聞，亦可以見到一些SETING教學。
Nintendo e-shop：可以係Nintendo e-shop內購買遊戲或下載專用遊戲。
相簿：顯示你係主機中拍下既照片，可以EDIT、甚至分享到社交平台（分享功能要等3月3日）。
控制器：用作更換Joy-con之用既功能，配合你既遊戲方式。
系統設定：可以係呢度作各種設定，例如飛行模式、螢幕既亮度、父母專用既「Nintendo Switch™ Parental Controls」（用來控制子女遊戲時間）等等。
Sleep Mode：令主機進行睡眠模式，下次開機時亦可以快速開啟，又省電。