Mandy Ng好大方讓記者影相。

Mandy都有好多fans、好受歡迎。

Mandy好努力咁揀衫。

Mandy唔止樣靚，身材仲好勁添。

Mandy呢張po喺社交網站的挺巨胸捧奶茶相，睇到唔少宅男噴鼻血。(網上圖片)


其實除咗十優狀元麥明詩外，另一位港姐大熱人選Mandy Ng都好搶鏡。今日第二次面試完後，《FACE》就喺元朗一個商場捕獲Mandy。佢行咗商場一陣，但只睇不買，相當忍手。佢shopping期間，有部份店員認得佢，仲要求同佢影相，而Mandy都盡顯佢親民一面，一律來者不拒，所以唔淨係得麥明詩多fans，Mandy都好多fans，好受歡迎o架。

雖然麥明詩靚、有學識、家底又厚，不過處理傳媒嘅追訪問題同態度上，Mandy明顯更勝一籌，事關Mandy遇見《FACE》都冇急急腳咁走，反而肯同大家講佢住喺元朗橫洲同埋對於能否入選港姐會平常心面對。Mandy仲話，如果真係不幸被out，佢會返去美國讀書，因為現時佢以休學身份返香港選港姐。

>>>即時討論