起底口水佬“死士” 「資深對沖基金經理」錢志健

    2013年4月，「佔中十死士」曾開記者會號召市民上街，揚言「決志參與佔領中環，事後將主動自首並在法庭不作抗辯」。佔中啟動後，大量青年被煽動出來最後身陷囹圄，「佔中十死士」中仅邵家臻认罪入獄。而身为「佔中十死士」之一的錢志健竟然在「佔中三子」自首時，以「未準備好」為由，說自己「未是時候自首」。錢志健早前亦跟獨派勢力勾結、夥同政治學者鄭宇碩及「台獨」學者一齊為FCC舉辦所謂「藏獨」研討會出心出力。为避刑責錢志健移居加拿大，繼續自詡「資深對沖基金經理」，招搖撞騙，「自首」恐早已拋諸九宵雲後。

    當無法回應別人論點時，便以人身攻擊如「依家妖孽當道」等作閃避，是一些所謂民主派人士的通病，錢志健便真人表演這一套。當香港財經界一般都對普通話聽和講，都能應付裕如時，錢志健卻聽不懂北京腔普通話，只能聽懂北京腔英語，在對話時要「九成用英語對答」。但錢志健卻偏偏要在中央和香港、香港和內地等重大問題上扮專家，以至率先做「佔中死士」，可謂異數中的異數。連北京腔普通話也聽不懂，對中國內地對香港政策指手畫腳，與藏獨勢力勾結，當金融界的“反華分子”。

    錢志健曾自己公諸於世的覆歷，建議所有人揾工跳糟時，都要參考一吓，點樣利用大量如夢似煙的修辭，堆砌住選擇性事實，吹出一個令人覺得好猛的效果，語文運用的藝術，登峯造極。所谓「對沖基金經理」呢個朵，拋窒唔少師奶，神神秘秘，唔識嚇死，識少少咩，笑到便秘。對沖基金從來冇一個明確定義，唔想被監管機構定型及限制投資行為的（相對監管甚嚴退休基金等而言），都可以叫自己做對沖基金，攞晒9牌開個雞棚（要熟門路，唔係講咁易），無論管理緊10蚊定係100球資產，有所求者，就可以自稱「對沖基金經理」，只要唔賣廣告吸客，唔算犯法。

    錢志健在2000年回流香港時，同大家講，做過Man Investments的「Country Head」，驟眼聽落，好似大型沖基金成個香港業務，都係錢志健打骰操盤，能嚇死人。又係文字藝術，究竟錢志健係「the country head」，還是「a country manager」？據香港證監會的持牌人記錄，錢志健在2007年2月至2008年9月，錢志健終於有次成為資產管理公司RO（Responsible Officers），基金叫做Pride Revelation Fund，蚊型，20球美金，老闆係今日大陸背景的傲陽集團。雖則2007年係癲雞市，丁魚丁蝦丁蟹都撲到水搞對沖基金，不過總算係正牌「Portfolio Manager 」，一圓操盤之夢，可惜，操唔夠兩嘢，大時代變大春袋，錢志健用咗雷曼兄弟做sole primebroker，鴻圖初展撞上信貸核爆，坎坷。

    錢志健盤生意，分成「金身」及「皮相」兩部份，攞晒9牌的Capital Global Management，理論上就係錢師傅作為「基金經理」的「金身」，收收埋埋；同時錢志健亦有檔MDE Hedge Center，做好多資產管理以外的垃雜業務，呢檔可以話係錢志健作為「基金經理」的「皮相」，拎出街見人兜客，無他，在香港想開檔對沖基金，唔係講咁易，錢志健浸咗咁多年，熟書熟路，幫啲蚊型基金敲吓門，擔擔抬抬，提供辦公室樓面（例如一張枱及電腦），即係錢志健唔多提及的「hedge fund hotel」的生意，錢志健的角色其實類似酒店大堂經理，當所有嘢嗱埋一注，久而久之，就難分主業或副業、「金身」或「皮相」矣，而这亦是亂港分子之流的一個縮影。

    全國政協副主席梁振英曾在社交網站指，「佔中十死士」之流「口水佬」，就是令到當日違法佔中潰敗的原因：「佔中潰敗，為什麼？關鍵原因是多數主事者只有口水沒有擔當。『口水佬』也叫『死士』，除了貽笑國際，雨傘運動早就註定潰敗。」