相信有唔少人曾經都係為左呢隻《薩爾達傳說 荒野之息》又出Wii U，呢家卻成為新機既護航GAME，可能令你覺得有點唔抵，但其實呢隻GAME無論係買邊個版本都係一樣出色，仲會令你玩到唔想停。

遊戲主題一如以往

玩家繼續操作主角林克（LINK），係呢個已滅亡既哈拉魯王國既地方冒險，林完依舊係乜都唔知，只跟隨聲音引導，到各地探索。進入迷宮、得新道具，解決各種謎題就係呢個系列既最大吸引之處。

地圖駛唔駛咁大

呢樣首次採用OPEN WORLD既形式讓玩家自由探索，但當你打開世界地圖睇，見到那一小塊版圖，雖然唔覺得係乜，但原來你知道可以離開呢個被孤立既地方時，再睇下未開放既世界地圖，你會叫「駛唔駛咁大」。

不過好好彩既係，你去過既塔和地圖，都可以用「絲卡石」直接傳送過去，之後更會有馬比你騎，相信移動方法都會好方便。

但單單係最初要你搵晒4個証明時，就要辛苦一點，自靠自己去搵祠堂既所在地。

唔好睇少D氣溫

遊戲設有時間和氣溫觀念，要是去到山頂或雪原位置，你又無預寒衣物係身，就會因為氣溫過低，令林克既體力隨時間扣除，玩家可以利用火把為自己取暖，但手持火把就唔可以爬山和跑步。

幾乎任何山也可以爬

沒錯！千奇唔好比以前打機既觀念影響自己，其實係今集既遊戲世界，見到高山都可以由山腳爬上山頂，大前提係你要好好運用氣力，只要中途有一個落腳點就可當休息站。玩家應多點練習。

武器會爛

雖然未知道最勁既Master Sword會唔會爛，但幾乎任何拾得起既武器都會爛，所以武器唔怕多，最怕無得用，記得執多d棒、木矛，方便自己更換。

收集食物保體力

係遊戲入面有大量食物比你執，蘋果、菇類等都係你暫時用來回血既道具，所以以備不時之需，盡量收集。

無武器既解決方法

萬一你真係唔小心無武器係手，而又想執件武器，可以建議你去搵哥布林聚集既小營地既高處，推大石壓死佢地，咁你就有武器執。