遊戲開始後可以話手無寸鐵，要靠執樹技和敵人既木棒來當武器，為左可以長命D，四周摘蘋果和執菇都係好重要，當你根據「斯卡石（シーカーストーン）」既指示，前往指示既目的地，令「開始之塔（始まりの塔）」出現，阿伯就會同你講少少有關呢個世界既事，如果你能夠拎到祠堂內既寶物，佢就會送個可以飛越呢個被孤立既陸島。而阿伯會話你知第一個祠堂既位置，當你完成左第一個祠堂，轉送返去「開始之塔（始まりの塔）」時，阿伯會叫你自己搵埋其餘三個祠堂既位置，咁呢家比左地圖你，話你知餘下三個祠堂既位置係邊。

四個祠堂位置

馬奧盧之祠（マ‧オーヌの祠）

1.入到去你既「斯卡石（シーカーストーン）」會得到一個磁石能力，可以把鐵既物件吸起再放下，按L對準目標再按A，就可以把磁氣放出，利用右STICK抽起地面既鐵塊，就可以穿往另一邊。

2.係另一邊同樣活用呢個功能，把鐵磁抽出，就可以打通通道，不過通道內有敵人，你可以用鐵塊壓死佢。

3.最後再用鐵塊作橋樑，就可以取得「克服之証（克服の証）」。

華莫達之祠（ワ‧モダイの祠）

前往方法：由時之神殿西南邊爬山上去

1.入到去你既「斯卡石（シーカーストーン）」會得到第二個能力「時間停止」，只要對住想停止活動既物件，按L對準目標再按A，就可以令物件係一定時間內停止活。只要睇準機會就唔難掌握。

2.去到落石處同樣，只要睇準滖石穿過自己後方，用同樣既方法就可以成功通過。

3.最後的大石，先令它的時間停止，然後用武器不斷向同一個方法攻擊大石，就可以擊飛大石。

謝巴斯夫之祠（ジャ‧バシフの祠）

前往方法：位於東面既遺址，爬過外牆就可以入去，只是小心外而既Guardian。

1.入到去你既「斯卡石（シーカーストーン）」會得到第三能力「炸彈」，「炸彈」有兩種一是圓型，另一是方型，暫時使用圓型已夠用。使用方法好簡單按L鍵拎出炸彈，R鍵拋出，A鍵原地放下，再按L鍵引爆。把有裂痕既牆炸開。

2.當你去到廣間，右邊有一個自動推移既石柱，把炸彈放入旁邊既管道內，讓石柱把它推到對岸，就係最接近裂牆時按L鍵引爆。

謝巴斯夫之祠（ジャ‧バシフの祠）

前往方法：最後一個祠堂位於雪山山頂，由於低溫環境唔建議就咁去，因為扣體力既速度係異常快，你帶幾多食物都唔夠。所以建議你去拎預寒衣，有預寒衣後著上身就可以唔扣體力前往雪山山頂既謝巴斯夫之祠。

預寒衣取得方法

係南邊你會見到一間小屋，老伯話只要你做到屋內日誌中所寫既菜色「ピリ辛山海燒き」，就送你一伴預寒衣。呢度菜色需要用三種食材，一係魚（可以係時之神殿附近既湖，用炸彈炸死D魚獲得）；二係肉（係精靈之森入面用弓箭殺死野豬就可獲得）；三係草（係時之神殿既樹底可以摘到）。

當集齊呢三樣野，就可以按+鍵打開MENU，然後手持著呢3件食材，再行近火堆上既鍋按A烹調，成功煮出「ピリ辛山海燒き」後就交比阿伯，阿伯就會送你一件預寒衣。

1.入到去你既「斯卡石（シーカーストーン）」會得到第四能力「令水變成冰柱」，可以有助你去一D本來去唔到既地方。

2.途中會見到搖搖板，只要把冰柱放係其中一邊，就可以令它成為橋令你上到上層。

搵老伯聽故仔

集齊4個「克服之証（克服の証）」去時之神殿向女神像祈禱，可以選擇獲得一顆「生命之心」（即增加一顆心），然後再爬上神殿頂搵老伯，原來老伯係最後一位哈拉魯國王既鬼魂，佢會話你知100年發生乜事，之後就會送個可以離開陸島既道具比你，探索呢個浩大既世界。